Dankeschön – engraziel zun fetg

Schön isch es gsii und i bedanke mi bi allne wo minere Iiladig gfolgt sind für de Bsuech uf em Albertushof in Ilanz/Glion zum Füfezwänzigschte Firmejubiläum vu mim Grafische Atelier. Es isch es eimaligs Erläbnis, das ich in beschter Erinnerig behalte wärde. Ich entschuldige mi aber au zuglich, wänns dänn nu zumene Grüezi und Adie glanget hät. Bi so vill Gescht alli persönlich z’betreue, und e chli anehöckle, isch jo fascht nöd möglich gsi. Es bliibed würkli schöni Erinnerige an es schöns und gmüetlichs Fäscht under blauschtem Bündner Oberländerhimmel mit liebe Fründinne, Fründe, Kollege, Verwandte und Bekannte. Und so vill Gschänk! Unglaublich! Nomol an alli... tanke villmal.